منشور جديد

أكتر حاجة مُهلكة في طب الأسنان من وجهة نظري هي الفزلكة.

تلاقي الـ obturation ناقص نص ملي، والدكتور حالف إن لازم تبقى Flush، فيعيد الشغل كله… لحد ما يوصل لمضاعفات كان في غنى عنها.

وتلاقي الـ implant محطوطة في مكان ممتاز، والـ primary stability كويسة، وبرضه يفضل “يظبط ويحنتف” لحد ما يخسر bone أو يفقد الـ primary stability.

ومرة حد اشتغل لمراته، وماحصلش sealer puff… اللي هوا اساسا لا نسعي له ..فأعاد الشغل، وفي الإعادة كسر file.

ومرة واحد قعد يتفزلك في الـ dentin map، لحد ما الـ perfectionism وصله لـ perforation في سن مهم.

المشكلة مش في إنك تكون دقيق…
المشكلة إنك تحب الكمال لدرجة تنسى الإنسان اللي قاعد تحت إيدك.

المريض مش Case Study.
ومش مطلوب إن كل حالة تطلع Perfect على الورق.

المطلوب إنك توصل لأفضل نتيجة بشكل آمن، predictable، وبأقل ألم ومضاعفات ممكنة.

أحيانًا، معرفة إمتى توقف أهم بكتير من معرفة إزاي تكمل.

في طب الأسنان، الـ perfectionism لما يزيد عن حده ممكن يتحول من ميزة… إلى سبب للـ iatrogenic complications.

اعمل الصح… مش الاستعراض.
وخليك فاكر إن تحت إيدك إنسان، مش مجرد اسنان بتعالجها.

صباحكم مبارك