منشور جديد

لما تبحث ع القنوات خاصةً في المولارز، الأفضل إنك تستخدم فايل بطول 21mm. لييييش؟! 🤔

في شي اسمه File Buckling، اللي معناها إن الفايل يصير له انحناء أو طعج أو ميلان في الـ long axis تبعه بسبب إن الـ axial force زادت عليه.

يعني بالعربي، الفايل مش حيَبقى مفرود ومستقيم لما تضغط عليه طولياً، حينحني شويه ويميل بسبب قوة الضغط. ↩️

والشي هذا كيف بيأثر علينا؟ 🤔

يعني مثلاً وانت تبحث عن القناة ثم تحاول دخولها، كل ما تضغط على الفايل ينثني وتحساب إنك دخلت القناة، فتلقاه لا، هو مجرد مال وعطاك إحساس إنه نزل في القناة. 😅

باهي، الكلام هذا كله شن بيفيدنا؟ 🤷🏻‍♀️

اللي مهم نعرفوه إن File Buckling Resistance تختلف من فايل لآخر، لها علاقة بعد عوامل، منها:

🔹 المادة المصنوع منها طبعاً، الـ S.Steel بيكون مقاوم أكثر من الـ NiTi.

🔹 وكذلك طريقة التصنيع والـ design تبع الفايل.

فحسب الدراسة، C File هو الأكثر مقاومة للـ Buckling.

وشي آخر مهم ويأثر عليه هو طول الفايل.

📌 فكل ما زاد الطول، زاد الـ Buckling.

فللي نستفيدوه من هالكلام كله:

لما بنديرو Scouting للقنوات، نختارو S.Steel file ويكون طوله قصير 21mm، حتى يزيد عندنا الـ Tactile Sensation ويقلل إمكانية الـ Buckling. 👌🏻🦷